Sie sind hier

Fehlermeldung

The spam filter installed on this site is currently unavailable. Per site policy, we are unable to accept new submissions until that problem is resolved. Please try resubmitting the form in a couple of minutes.

Schlifferweekend 2003 in Gänsbrunnen

geschrieben von admin am Mo, 01/12/2003 - 09:17
So gefiel mir der Anlass: 
0
Noch keine Stimmen

S Wuchenänd vom 22./23. Novämber 2003 isch für uns Jungi ganz im Zeiche vo Drummle und Pfyffe und luschtigem Lagerläbe gstande. Während sich die meischte mit Sagg und Pagg am Samschtig Moorge um die Nüni uff em Bahnhof SBB versammlet hänn, sinn e baar anderi no brav in der Schuel gsässe und hänn sich meh oder weniger mit em Unterrichtsstoff befasst. Für die baar Lütt isch denn am Eins en Extra-Transport zur Verfiegig gstellt worde. So sinn au die am friehne Nomidaag am Reiseziel aako, z'Gänsbrunne im Jura, in der Nöchi vo Moutier.
Dört sinn die andere au scho flissig am iebe gsi. Für e Nomidaag isch denn en Ussflug uff e Ranch in der Nöchi vo unserer Unterkunft aagseit gsi. Das het grad none kurze Spaziergang und d Mögligkeit sich ussz'tobe gäh. Uff däre Ranch, wo eigentlig sone Art Zolli gsi isch, het's unter anderem Ponies, Hiehner, Änte und sogar Tiger gha. Die Tiger hätte mer denn au sötte in ere Vorstellig im ene Zirkuszält z'gseh biko, so isch es uns ämmel versproche worde. Im Zält hämmer denn aber miesse feschtstelle, dass es gar kei Gitter oder Netz um d Manege het... Und die „Tiger" wo denn kurz druffaabe iineko sinn, hänn ussgseh wie gleini Hünd wo uns ihri Kapriole und Kunschtstüggli zeigt hänn.
Widder „deheim" isch nomol en Iebigseinheit aagsetzt gsi, bevor's denn Salat und Teigwaare mit drei verschidene Sauce gäh het zum die zum Teil seeeehr hungrige Mäge z fülle. Der Ooben isch denn e friedligs Zämmesi gsi mit Töggeliturnier, Rätselrote und Schwätze.

Am nägschte Morge hets denn, nachere für die meischte nid sehr erholsame Nacht, wie das halt zum Lagrläbe derzueghört, e grosses Zmorgebuffet gäh. Nach däre Stärkig isch es denn an der Zytt gsi, die zuegfiehrte Kalorie z'verbrenne, indäm me sini Sache wiider zämmepaggt und s Zimmer in Ornig brocht het. Jä, und denn, für alli, wo immer noni rächt wach gsi sinn, isch denn wirklig fertig gsi mit schlofe, denn mer hänn wiider Piccolo und Drummle füregholt und aafo iebe. Nach eme bitzli freier Zytt het's denn zum Zmittag für alli e Sandwich gäh und denn isch au scho fascht wiider Eins gsi, und dodermit Zytt für die baar FCB- Johreskarte- oder Ticketbsitzer ins Auto z hüpfe, sodass es denn au längt rächtzyttig für s'Saison- Highlight FCB-GC im Stadion z'si.
Die andere hänn nomol dörfe ihri Instrumänt benutze, bevor sie denn widder uffe Zug richtig Basel sinn. ¨

Es sinn 2 luschtigi Tääg gsi und für mi persönlig en Art e Ruggbligg uff die tolli Zytt won ich bi de Junge gha ha. Merci an alli!

E schöni Vorfasnachtszitt und e tolli Fasnacht!

Noëmi

Neuer Kommentar schreiben