Sie sind hier

Fehlermeldung

The spam filter installed on this site is currently unavailable. Per site policy, we are unable to accept new submissions until that problem is resolved. Please try resubmitting the form in a couple of minutes.

Fasnachts-Zeedel "Woog-Loch-Hof"

geschrieben von admin am Sa, 28/02/2004 - 11:00
So gefiel mir der Anlass: 
0
Noch keine Stimmen

 

Sujet: d`Bausind Woog-Loch-Hof……..oder: …und tschüüüss !!!!
(Fasnacht 2004)
 
Do hogg ych jetzt , ich arme Tropf
Zwische de Gnei hängt miir myy Kopf.
D`Justizia, die hett my bschysse
Dr Richter e Fääluurdail uss em Aermel grisse,
ych ha doch nur in finschterer Nacht
s`glych Gäld wie d`Nationalbank gmacht!
 
Eebe... drumm sitz ych jetzt in dere Zälle,
nyt isch`s- me mit Rhygasswälle...........
 
Doch das isch letschty Wuche gsyy.
Dr` Schöö dringgt wiider Wysse-Wyy,
denn ych ha vor 7 Daag d`Schugger schwer blamiert,
tschüss gsait...und my verdünnerisiert.

 

Dir frooget eych jetzt sicher : wie isch dä abb
Hett är sich vewandlet in e Grabb.
Oder wie dr`Potter Harry
Hokus-Pokus-Larifary.
Naai-naai .....dangg em Architeggt
Ha-n-ych e supper Wääg entdeggt.
 
Also....man nehme...e Dessertlèffel
Am beschte ai-n vom Wachmaischter Schöffel.
Dènn-e wenig böbberle und schaabe,
langsam sich durch d`Gibbswand graabe.
Hejoo..d`Choole fyr Zemänt und Yyse,
wo-syy in de Rächnige usswyyse,
die hänn sy bym Erèffnigsappéroo verjätte,
drumm kasch die Betong-muure chnätte.
Noch zää Minudte em Schöffel lytte.
Är sotti dr Bauschutt in Kessel schytte.
Noomol zää Minutte buddle ...denn ä Pause.
Ä Schtreiffe-Waage duet zum Tor uss-sause,
my Kumpel , uss Zälle drey ,duet veschwinde;
är sitzt vorne ....d`Bulle hinde,
Im Wooghof isch totali Rue,
ych loos em Färnsee vom Nochb`r zue.
Soo...jetzt schnarchlet är........ no zwai Backstai uusebroche,
und uss dr Lugge usekroche.
Do wacht dr Nochb`r uff , und duet sich stregge
ych wott my unterem Näscht veschtegge,
är maint ganz taff und kuul: guete morge,
chasch myr bym goo, no s`TR-7 versorge!
ych sigy nämlich, maint do sy Zymmerlinde,
dr zwayti wo do hytt z`Nacht wurdi verschwinde.
Ych saag guet Nacht.,....oder soo,
und mach my dur`s Schtäägehuus d`rvoo.
 
Am Daag druff , im Stadtkanal.
Do brichte sy vom Bau-skandal
Vo derä Blamasch und derä Schand ,
nytt vo mym Fääluurdail, nytt vo mym Chrampf.
Ungerächt isch`s uff derä Wält.
Ych ha ai Nacht lang gschafft, ohni Lohn und Gäld
Mit em Dessertlöffel dur-e Muure.
Do muesch flexibel sii , und nett e Stuure !!!
Ganz gratis liifere-n-ych e Expertiese ,
was das fyr e Bauplan isch ...e Miise.
Als Fachmaa hett my kaine gfroggt.
Schliesslich bin ych nie im Büro gsässe ,,ych by k`hoggt
im Loohnhof und in dr Schällematte.
1. Sahne---drey Joor Kischte--drey Joor Schatte,
doch by däm Wooghof kasch nur gryyne,
kunsch aifacher uuse als yyne.!!!!
 
Dä Wooghof -Architeggt mitsammt de Kommisione,
Sotty- me mit Alcatraz belohne.
My Gaunerstolz seiyt dene Planigsdoddel,
Das isch kai Kischte ..das isch e Hotel !!!!!

(Zeedel aabelaade)

Neuer Kommentar schreiben