Sie sind hier

Fehlermeldung

The spam filter installed on this site is currently unavailable. Per site policy, we are unable to accept new submissions until that problem is resolved. Please try resubmitting the form in a couple of minutes.

Fasnachts-Zeedel "scheen wänn mer syy!"

geschrieben von admin am Do, 28/02/2008 - 11:10
So gefiel mir der Anlass: 
0
Noch keine Stimmen


Sujet: Z’Basel am mym Ryy, scheen wänn mer syy!
(Fasnacht 2008)

                                                                                                

Z’Basel am mym Ryy,
scheen wänn mer syy,
wait nid d’Luft so mild und lau,
me stellt in Basel neyi Diirm zer Schau!
Z’Basel, z’Basel, z’Basel am mym Ryy!

 
Z’Basel am mym Ryy,
will e Kulturstadt syy!
Und dr absoluuti neyschti Schrey,
kheert zer Kultur an jeedem Egge e Take-Away!
Z’Basel, z’Basel do ernäärsch di falsch!
 
Z’Basel mache d’Baize dicht,
Tschanggfuut isch jezte Pflicht.
So bikemme mer d’Stroof,
jeedes 4. Kind isch e digge Goof.
Z’Basel, Basel goot wie e Kiechli uff!
 
Z’Basel am mym Ryy,
scheen wänn mer syy.
D’Brooblem vo de Gnäggis wird verdränggt.
Hauptsach d’Verscheenerig zer Euro 08 länggt!
 
Z’Basel, z’Basel so setts nid syy!
Uff dr Basler Pfalz,
nimm allne Lytli gfallts!
Bisch nimmi sicher uff dr Strooss,
wo aane goot das mit dr Juuged bloos?
 
Z’Basel, z’Basel do ischs aim nimmi wool!
Z’Basel in dr Clarastrooss,
sinn jezte Drottwaar aifach famoos!
Wunderscheen muess alles syy,
dängg z’Basel am mym Ryy!
 
Z’Basel, z’Basel in dr Clarastrooss.
Z’Basel am mym Ryy,
luegsch in dr Clarastross bleed dryy.
Dien 15jäärigi groossi Deen spugge,
und ai Bier am andere aabe schlugge!
 
Z’Basel, z’Basel, was isch numme loos!
 
Hauptsach z’Basel ischs scheen,
d’Brooblem vo de Gnäggis sinn unbegweem.
Lieber baut me no scheeni Sache,
als sich an d’Brooblem vo de Juuged z’mache!
Z’Basel, z’Basel do verschloots iis d’Sprooch!
 
Z’Basel isch es gwaaltig,
s’giit fyr d’Stadt e neyi Gstaaltig.
Im Hoorburggwaatiir muesch nimmi murre,
faarsch jezte alles uundeduure!
Z’Basel, z’Basel scheen wirds iiberaal!
 
Z’Basel am mym Ryy,
an de Jugendproblem luegt me verbyy!
Me duet nid hinder d’Juged stoo,
do verschliesse mer lieber d’Auge dervoo!
Z’Basel, Basel druggt baidi Auge zue!
 
Z’Basel am mym Ryy,
laufsch d’Staine den duurii.
Do dringge vyyli Jungi ain zvyyl iibere Durscht,
und de „vernimftige“ Biirger isch es Wurscht.
Z’Basel, z’Basel, hauptsach d’Stadt isch scheen!
 
Z’Basel am mym Ryy,
scheen wänn mer syy,
nai, scheen wänns mir Gnäggis ha,
jetzt kemme e mol die Groosse mit dängge dra!
 
Z’Basel, z’Basel, fang mit dängge aa!
Z’Basel am mym Ryy,
machet ebbis glyy!
Mer Junge geen scheen undeduure,
handlet, statt bleed ummeschnuure!
Z’Basel, z’Basel jezt muess ebbis goo!
 
Z’Basel am mym Ryy,
wird nimm wie friehner syy!
Es isch doch e riise Hoon,
wo bliibt die alti Tradition?
Z’Basel, z’Basel isch’s nimmi gliich!
 
Z’Basel am mym Ryy,
sette Groossi und Gööfis zämme syy.
Die Grubbe zämme ebbis undernää,
den wurds nid so vyyl Gwaalt under Junge gää!
Z’Basel, z’Basel den wärs suuper scheen!
 
Z’Basel am mym Ryy,
mer sinn innere Glygge derby,
mer wisse ebbis mit dr Freizyyt a’zfaange,
statt bleed in Basel ummezhaange.
Z’Basel, z’Basel das finde mer gail!
 

Neuer Kommentar schreiben